СВОда катнашучыларга да, гаиләләренә дә медицина ярдәме күрсәтелә

Махсус хәрби операция башланганнан бирле анда катнашкан 25 мең кеше һәм аларның гаиләләре медицина ярдәме алды. Бу саннар Премьер-министр Андрей Назаров рәислегендә узган республика Хөкүмәте утырышында яңгырады.

–Иң мөһим бурычларның берсе – җәрәхәтләнгән һәм яраланган хәрбиләргә сыйфатлы медицина реабилитациясе һәм психологик ярдәм оештыру. Бездә махсус дәвалау учреждениеләре бар. Мондый учреждениеләрнең гомуми койка фонды 600 урын тәшкил итә, шул исәптән аларның 200дән артыгы медицина реабилитациясе өчен билгеләнгән, — дип билгеләп үтте Министрлар Кабинеты башлыгы.

БР сәламәтлек саклау министры вазифаларын башкаручы Роберт Иштуков хәрби хезмәткәрләрне реабилитацияләү турында җентекләп сөйләде. Мәсәлән, 4 меңнән артык пациент стационар дәвалану узган. Аларның 200гә якынына югары технологияле медицина ярдәме таләп ителгән, шулай ук медицина реабилитациясе, диспансерлаштыру һәм психологик ярдәм оештырылган.

Медицина реабилитациясе оешмасының төп учреждениеләренең берсе – сугыш ветераннарының Республика госпитале, анда сугыш хәрәкәтләре ветераннарына, террорчылыкка каршы операцияләрдә катнашучыларга медицина ярдәме күрсәтелә. Махсус  хәрби операция башлану белән анда катнашкан меңнән артык кеше дәвалану узган.  Республика табиблар физкультура диспансерында  махсус операциядә катнашкан 250дән артык хәрби һәм аларның гаилә әгъзалары реабилитация узарга өлгергән.

Республика психотерапия үзәгендә хәрби бурычын үтәгәндә якыннарын югалткан гаиләләр өчен бушлай психологик һәм психотерапевтик ярдәм күрсәтү программасы эшләнгән һәм гамәлгә ашырыла. Программа шулай ук хәрбиләрнең үзләрен психологик реабилитацияләү өчен кулланыла. Аңа төркем белән ял итү психотерапиясе, психолог белән диагностик һәм коррекцион эш, фармацевтик ярдәм, арт-терапия, шулай ук физиотерапия процедуралары керә.

Андрей Назаров БР Сәламәтлек саклау министрлыгына махсус хәрби операция барышында якыннарын югалткан гаиләләргә психологик ярдәм оештыруның нәтиҗәлелеген арттыруны йөкләде. Шулай ук реабилитация хезмәтләре күрсәтелә торганнарны сайлап алуның төгәл критерийларын билгеләргә кушкан. 

Чыганак: pravitelstvorb.ru