Уфада “Бал фестивале” үтәчәк!

Башкаланың Агыйдел елгасы яр буенда беренче тапкыр республика җитештерүчеләре өчен масштаблы чара «Бал фестивале»  узачак. Аның максаты - «Башкортстан алы” брендын популярлаштыру. Авыл хуҗалыгы министры Илшат Фазрахмановның мондый вакыйганы үткәрү турындагы инициативасын Башкортстан башлыгы Радий Хәбиров атналык оператив киңәшмәдә хуплады.

- Бик яхшы идея. Бу безнең халык өчен яхшы ярминкә булачак. Ә без фестиваль мәйданчыгында умартачылыкка ярдәм күрсәтү мәсьәләләре турында фикер алышырбыз, – диде Радий Хәбиров.

Илшат Фазрахманов билгеләп үткәнчә, Башкортостан Русиядә бал җитештерү буенча лидер. 2023 елда гына да республика умартачылары бу продуктның 6 мең тоннасын җитештергән. Иң зур җитештерү күләме Мишкә һәм Гафури районнары аграрийларында -  300 тонна тирәсе. Дөньяның җиде иленә экспортка безнең  төбәк 111 тоннадан артык бал җибәргән.