Башкортстан эшкуарларын вебинарда катнашырга чакыралар

«Халыкара кооперация һәм экспорт» милли проектын гамәлгә ашыру кысаларында 19 гыйнварда 11:00 сәгатьтә (Мәскәү вакыты) Кытайга «МСП өчен экспорт экспрессы» логистик сервисы аша йөкләрнең зур булмаган партияләрен ташуга багышланган логистика буенча вебинар узачак. Әлеге хезмәтне Русия экспорт үзәге (АО РЭЦ) күрсәтә.

 - 2023 елның 11 ае нәтиҗәләре буенча Кытай Башкортстан Республикасының тышкы сәүдә әйләнешендә 1 урынны били. Башкортстан экспортының нигезен машина төзелеше продукциясе, химия сәнәгате продукциясе, азык-төлек товарлары һәм чимал, минераль продуктлар, агач һәм целлюлоза-кәгазь әйберләре, тимер һәм алардан эшләнгән әйберләр тәшкил итә. Азия базары - республикабызның тышкы икътисади элемтәләрен үстерүнең перспектив юнәлешләренең берсе, шуңа күрә эшкуар-экспортерларның экспорт географиясен киңәйтергә ярдәм итәчәк барлык хезмәтләр һәм ярдәм чаралары турында белүе мөһим, – дип уртаклашты Башкортстан Республикасының тышкы икътисади элемтәләр министры Маргарита Болычева.

Спикер ролендә «РЖД Логистика» АҖ контейнерлы ташулар буенча директоры Александр Сиверцев чыгыш ясаячак. Вебинар модераторы - АО РЭЦ логистика буенча эксперт Инна Линькова.

Вебинарда катнашу өчен 18 гыйнварга кадәр РЭЦ сайтында теркәлү узарга кирәк. Вебинарга кагылышлы барлык сораулар буенча электрон почта аша мөрәҗәгать итәргә була: Linkova@exportcenter.ru.