Песи-терапевт һәрвакыт эштә

Уфа хосписында яшәүче песи-терапевтны барсы да ярата

   Мистик кушаматлы песине приюттан алган булганнар. Ни өчен нәкъ аны сайлаганнар дисезме? Чөнки ул арада иң иркә-назлысы булган. Ә хосписта нәкъ шундый песи кирәк тә, чөнки биредә аны туктаусыз авырулар да, анда хезмәт салучылар да сыйпый-ярата.

   -Без биредә тәрбияләнүчеләр өчен йөрәкләренә якын булган йортлары булырга телибез, ә песи – уңайлылыкның иң яхшы билгесе, - ди биредә эшләүче хезмәткәрләр. – “Мисти”ны без песи-терапевт дип йөртәбез, чөнки аны балалар да, өлкәннәр дә бик ярата, ул безнең команданың чын әгъзасы.