“Башкортстанда “Озын гомерлелек. Туризм" программасы дәвам итәчәкме?

 - “Башкортстанда озын гомерлелек” программасы киләсе һәм аннан соң киләсе елда да дәвам итәчәк. Әлегә без 20 мең кешене сәяхәткә җибәрдек, бу да яхшы, - дип билгеләп үтте Радий Хәбиров. Аның фикеренчә, программага ярашлы, елына 50 мең туристны җәлеп итеп булыр иде. - Әлегә без финанслар аркасында бу кадәр булдыра алмыйбыз. Киләсе елга, мәсәлән, 20 мең кешене җибәрергә ниятлибез. Бәлки, 30 меңгә җиткереп, ел саен арттырып булыр. Безнең пенсионерлар әле яшь:  аларга 55, 60, 65. Ничектер шулай килеп чыга, алар пенсиягә чыгалар, балалары үскән һәм алар үз-үзләренә бикләнәләр. Өйдә утыралар. Ә без аларга, асылда, яшьлеккә кайтырга мөмкинлек бирәбез. Алар автобусларда җырлар җырлыйлар, танышалар. Бу бик яхшы, шуңа күрә программаны үстерәчәкбез.