Яңа ел бүләкләре кыйммәтләнгән

Балалар өчен Яңа ел бүләкләре  20 процентка кыйммәтләнгән. Моның сәбәбе – дөнья базарында шоколадка хаклар арту.

Сәүдә өлкәсендәге чыганаклар сөйләвенчә, октябрь ахырында берәмләп сату кибетләрендә былтыргы прайслар буенча тәүге татлы наборлар пәйда булган. хәзер татлы бүләкләргә бәяләр арты – хакларның күтәрелүе турында “Берләштерелгән кондитерлар” компаниясе игълан итте. Бу компания  эченә "РотФронт", "Красный Октябрь", "Бабаевский", "Алёнка", "Коровка" брендлары керә. Хаклар бер төрле генә күтәрелми,мисал өчен кәнфитләргә 6-8%ка арта, шоколадка якынча  – 16 %ка, карамельгә  – 3-4% процентка.

“Бәяләр артуның сәбәбе – чимал хакы һәм логистика чыгымнары, валюта курсы, кредитлар буенча ставкаларның артуы”, – дип сөйләгән  SHOT Телеграм-каналына финан эксперты Ольга Лебединская.

2022 елда  800 граммлык татлы бүләкне  1300 сумга алып булган. Быел исә ата-аналарга мондый бүләк өчен ким дигәндә 1600 сум акча чыгарып салырга туры киләчәк. 

Чыганак: SHOT Telegram-каналы.