“Флагман” проектын башлап җибәрделәр

Башкортстанның фәнни-белем бирү үзәгенең идарәче компаниясе Башкорт дәүләт медицина университеты белән берлектә Русиядә беренче тапкыр сәламәтлек саклау системасында медицина коммуникациясе культурасын арттыруга юнәлдерелгән проектны башлап җибәрде.

Проект Башкортстанда милли социаль инициативаны гамәлгә ашыру һәм республикада төбәк сервис вәкаләтлеләре институты эше кысаларында гамәлгә ашырыла.

Төбәк сервис вәкаләтлеләре институты республикада 2022 елдан бирле эшли. Күптән түгел генә тормыш сыйфаты буенча совет төзелде, аның рәисе итеп төбәк башлыгы Радий Хәбиров билгеләнде.