Уфа урамында машинада 12 сәгать бозаулар акырып яткан

Уфа урамында бозаулар белән зур йөк машина12 сәгатьтән артык кузгалмыйча торган.

Соңгы тапкыр малкайларны Курган өлкәсендә ашаткан булганнар. Күргән кешеләр аларны җәлләп, сөт китереп эчергәннәр.

Ике кеше унбер баш малны Алтай краеннан Ырынбурга сатырга алып барышлары икән, ә моның өчен водительләрнең документлары булмаган. Ветеринарлар килеп, бозауларны караганда лишай тапканнар. Әле инде аларны Уфа янында бер фермер үз хуҗалыгына алып китәргә ризалашкан. Алар анда карантинга ябылачак.

Водительләрнең икесе дә бер аңлатма да бирмәгәннәр.