Көн әйбәт дип урманга йөрергә чыгып китәләр дә...

“Һава торышы республика халкын әле җылы, кояшлы  көннәре белән сөендерә. Шуңа күрә  урманда йөреп килергә теләүчеләр бик күп. Ләкин күпләре хәвефсезлек турында  онытып җибәрәләр”, -дип аңлаталар Башкортстанның гадәттән тыш хәллләр буенча дәүләт комитетының матбугат хезмәтендә.

Кичә генә Система-12нең шалтыратулар  кабул итү үзәгенә шундый мөрәҗәгатьләр булган: Архангельдә 9 яшьлек малай әти-әнисе белән урманда гөмбә җыярга баргач, югалган. Яңавыл районының Банибаш авылында гаилә  урманда 15 һәм 8 яшьлек балаларын югалтканнар. Учалыда  ике оныклары белән  гөмбә җыярга килгән әби белән бабай да югалганнар. Шул ук Учалыда бер ир машинасы белән урманда адашкан... Иң сөенечлесе – бу югалган кешеләрнең барысы да табылган.

Чыганак: Башинформ.