Андрей Назаров: Уенчыклар хәвефсез булырга тиеш!

Уфа шәһәрендә беренче тапкыр «Әйдә уйнарга» Бөтенрусия уен фестивале – балалар уенчыклары индустриясенең беренче форум-күргәзмәсе уза.

Фестиваль башлану белән пленар сессиясе узды. Анда Башкортстан Республикасы Хөкүмәте Премьер-министры Андрей Назаров катнашты. Министрлар Кабинеты башлыгы билгеләп үткәнчә, уенчыклар дөнья базарында якынча 160 миллиард долларга бәяләнә, 2027 елга ул уртача еллык үсү тизлеге 7,5% белән 250 миллиард долларга кадәр үсәр дип көтелә.

- Башкортстанда бу индустрия әле үсеш кенә ала, 84 предприятие балалар өчен азык-төлек, уенчыклар, киемнәр, аяк киемнәре җитештерә. Бәясе 1,5 млрд. сумнан артык. Балаларыбызның иң яхшы, хәвефсез, арзан уенчыклар булуы мөһим. Алар акыл өчен файдалы һәм кызыклы булсын өчен балаларга дөрес мәгълүмат бирергә кирәк. Моның өчен без берничә юнәлеш буенча эш алып барабыз, – дип ассызыклады Андрей Назаров.

Чара ахырында Башкортстан Премьер-министры Андрей Назаров утырышта катнашучыларны фестивальдә катнашырга чакырды, ул балалар товарлары индустриясе вәкилләре, мәгариф өлкәсендәге белгечләр һәм ата-аналар җәмгыяте өчен ел саен популяр һәм кирәкле булачагына ышаныч белдерде.