"Геройлар вакыты" конкурсы

«Геройлар вакыты» патриотик җыр конкурсы узачак.

27нче августта Башкавдивизиянең легендар командиры, Русия Герое, генерал Миңнегали Шәйморатовның туган көне билгеләп үтелә. Матур гадәт буенча Уфаның Совет мәйданында бу дата хөрмәтенә «Геройлар вакыты»  патриотик җыр конкурсы узачак.

26 августта 18.00 сәгатьтә Совет мәйданында «Геройлар вакыты» Бөтенрусия ачык патриотик җыр конкурсының ярымфиналы һәм Гала-концерт уза. Конкурс жюриен Русиянең атказанган артисты Ольга Кормухина җитәкләр, ул кичә ахырында концерт программасы белән чыгыш ясаячак. Хәтерегезгә төшерәбез, Башкортстанда 2023  елның 15 августына кадәр «Геройлар вакыты» II Бөтенрусия ачык патриотик җыр конкурсы узды.

2023 елның 16 августында з. Исмәгыйлов исемендәге Уфа дәүләт сәнгать институтында онлайн режимда сайлап алу этабы узды. Конкурска Русиянең 22 төбәгеннән өч номинация буенча 403 гариза килгән.

Катнашучыларның географиясе дә киң: ЛХР, Белгород, Тамбов, Төмән, Ростов, Владимир, Ырынбур өлкәләре, Татарстан, Дагстан, Адыгея, Хакасия, Марий Эл,Чуваш республикалары, Ставрополь, Приморье крайлары, Санкт-Петербург, Архангельск,Краснодар, Мәскәү, Владивосток һәм Башкортстан Республикасы. Финалга Русиянең 17 төбәгеннән 58 композиция узды.

27 августта 17.00 сәгатьтә Совет мәйданында программа рәсми өлештән башлана.  Почетлы каравыл, байраклар чыгару, бүләкләү тантанасы узачак. Программада җиңүчеләр белән беррәттән чакырылган артистлар да катнашачак: алар - җырчы Мәрьям Мирабова, театр һәм кино актеры, җырчы һәм композитор Иван Замотаев, Русия Композиторлар берлеге әгъзасы Игорь Демарин, Русиянең атказанган артисты Варвара, актер, композитор, продюсер һәм җырчы Глеб Матвейчук, халыкара конкурсларның күпсанлы лауреаты, җырчы Инна Рудник, Ингушетия Республикасының халык артисты Таисия Повалий, "Республика" төркеме, опера җырчысы Аскар Абдразаков һәм башкалар. Шулай ук мәдәният учреждениеләрендә Ольга Кормухинаның остаханәләре башланачак. Остаханәләр  «Позывной - "Победа» федераль проекты кысаларында үткәрелә. Шулай ук Игорь Демарин, Варвара, Глеб Матвейчук һәм Иван Замотаевтан автор башкаручылар һәм композиторлар өчен остаханәләр узачак. 27 августта 14.00 сәгатьтә һәм 28 августта 16.00 сәгатьтә  "Башкортостан" дәүләт концерт залының  Кече залында  «Заманча музыка академиясе» проектыннан Ольга Кормухина  һәм Алексей Белов ("Горький паркы") тыңлаулары узачак.

"Заманча музыка академиясе" телевидение, радио һәм башка медиаресурсларда алга китештә ярдәм итәр өчен төрле жанрларда үз әсәрләрен башкаручы талантлы авторлар эзли. Әгәр дә сезнең үз материалыгыз булса һәм 17 яшьтән 35 яшькә кадәр булсагыз, сайтка гариза бирегез as-music.ru һәм тыңлауга  килегез. Иң яхшы 3 әсәрне башкару мөмкинлеге булачак.

Барлык сораулар буенча asmusic2022@yandex.ru или вотсапп 89500654854 мөрәҗәгать итәргә була. Проект Президентның Мәдәни инициативалар фонды ярдәме белән гамәлгә ашырыла.