Аларны Путин бүләкләгән

Русия Президенты Владимир Путин Башкортстан халкын Русия Федерациясенең дәүләт бүләкләре белән бүләкләде.

Тиешле указ 2023 елның 8 августында имзаланган һәм хокукый мәгълүматның рәсми порталында басылып чыккан. Гаилә институтын ныгытуда һәм балаларны тәрбияләүдә күрсәткән хезмәтләре өчен Дилара һәм Вадим Асаиновлар, Фидонья һәм Наил Миргалиевлар, Әлфия һәм Рәсил Сәйфуллиннар, Гөлназ һәм Венер Сафиннар, Мария һәм Айдар Туктаровлар “Ата-ана Даны” ордены медале белән бүләкләнгән.

Шул ук указ белән “РФның атказанган төзүчесе” мактаулы исеме җаваплылыгы чикләнгән җәмгыять компанияләре төркеменең идарәче партнеры Марат Латыйповка бирелгән. 

Чыганак: bashinform.ru