Хәзер депутатлар да староста була ала

Башкортстанда “БРда авыл торак пунктлары старосталары турында”гы законның 3 статьясына үзгәрешләр кертү турында” законы кабул ителде һәм гамәлгә керде.

–Закон тарафыннан авыл торак пунктлары старосталары булып билгеләнердәй кешеләр даирәсе киңәйтелде, – дип хәбәр итте Константин Толкачёв. – Хәзер вәкаләтләрен даими булмаган нигездә башкаручы муниципаль депутатлар да, шулай ук  әлеге биләмәдә торак бинага ия, әмма даими  яшәмәүче гражданнар  да староста була ала.

Парламент спикеры фикеренчә, бу яңалык авыл халкы мәнфәгатьләрендә старосталар институтын үстерүгә хезмәт итәчәк.

– Авыл халкы өчен актуаль булган җирле әһәмияттәге мәсьәләләрне хәл итәргә әзер һәм үз өстенә алырга теләгән гражданнар староста була, – диде Константин Толкачев. – Старосталар үз эшләре өчен түләү алмый, алар өчен бу өстәмә җәмәгать йөкләмәсе – муниципаль берәмлек органы депутаты вазифаларын даими булмаган нигездә башкару кебек. Староста функцияләрен үти алган кешеләр даирәсен киңәйтү җирле әһәмияттәге мәсьәләләрне нәтиҗәлерәк хәл итүгә ярдәм итәчәк.

Белешмә.

Староста авыл җирлеге, шәһәр округының вәкиллекле органы тарафыннан билгеләнә, аның составына авыл торак пункты керә, авыл җирлеге гражданнары җыены тәкъдиме буенча. Аның вәкаләтләре муниципаль берәмлек уставы белән билгеләнә һәм ике елдан да ким һәм биш елдан да артык була алмый.

Җирле әһәмияткә ия мәсьәләләрне хәл итү өчен староста, аерым алганда, халык, җирле үзидарә органнары, муниципаль предприятиеләр һәм учреждениеләр белән хезмәттәшлек итә, җирле үзидарәне гамәлгә ашыруның ачык тыңлауларын, җыеннарын, җыелышларын һәм башка формаларын үткәрүдә ярдәм күрсәтә. Староста инициативалы проект кертү башлангычы белән чыгыш ясый ала, җирле үзидарә органнарына җирле әһәмияттәге мәсьәләләрне хәл итү буенча тәкъдимнәр кертә ала һ. б.