Контракт буенча хезмәт итәргә теләүчеләр күп

Башкортстанда контракт буенча хәрби хезмәткә алу дәвам итә. Мобиль пунктлар республиканың барлык шәһәрләрендә һәм районнарында эшли. Биредә җыю тәртибе, ташламалар һәм түләүләр турында сөйләячәкләр, нинди документлар кирәклеген аңлатачаклар. Аннары хезмәт итәргә ныклы карар кабул итүчеләр контракт буенча хәрби хезмәткә Уфа сайлап җыелма пунктына җибәрелә.

Документлар белән – Уфага

Кояшлы җәй иртәсе. Революцион урамы, 156 санлы йортта урнашкан  сайлап алу пунктына керү урынында җанлылык сизелә. Төркем-төркем ир-атлар тора: кайберләре тәмәке тарта, икенчеләре телефоннан сөйләшә, өченчеләре үзара аралаша. Тышкы яктан алар сәяхәткә җыелган туристларга охшап тора, әмма камуфляж төсендәге киемнәр кигән ир-атлар яныннан узганда плакаттагы кешеләргә дә күз салсаң, аларның булачак контрактчылар икәнен аңлыйсың. Пункт ишекләре артында кеше күп. Ир-атлар стойка тирәли тезелгәннәр, алар чиратлап компьютер артында утыручы хәрбиләргә янына утырып, үз фамилияләрен әйтәләр. Мәгълүмат эзләү бара, аны төгәлләү, бер сүз белән әйткәндә, эш процессы.

"Республика буенча эшләүче мобиль сайлап алу пунктларында беренче консультациядән соң, кешеләр монда документлар белән киләләр. Паспорт, хәрби билет, белем алу, квалификация күтәрү турында документлар кирәк. Әгәр дә булачак контрактчыларның хәрби-хисап белгечлекләре булса, мәсәлән, элегрәк, хезмәт вакытында, хәрби машина белән идарә итү хокукына документлар алган булсалар, яки аларның "гражданка" да алган йөртү таныклыгы булса", – дип аңлатты контракт буенча хәрби хезмәткә сайлап алу пунктын тестлау һәм хәрби-һөнәри юнәлеш бирү буенча офицер, өлкән лейтенант Фәдис Солтанов.

Әгәр дә дәгъвачы элек армиядә хезмәт итмәгән һәм кирәкле квалификациягә ия булмаган икән, бу да бәла түгел. Кирәкле күнекмәләрне һәм әзерлекне ул хәрби әзерлек барышында алачак. Сайлап алу процессында шулай ук гаскәрләр төрен сайлауга кагылышлы теләкләр дә исәпкә алына.

“Кемдер ВДВда яки флотта хезмәт итәргә тели, күпләр өчен сайлауда мотивация дуслар, туганнар, танышлар үрнәге булып тора. Ә кемдер аңа тәкъдим ителгән вариантлардан сайлый“, – дип аңлатты Фәдис Солтанов.

Медицина комиссиясе үтәргә

Тапшырылган документлар булачак контрактчының шәхси эшендә җыела. Аннары хезмәткә яраклылык мәсьәләсен хәл итәргә тиешле табиблар өчен чират.  18 яшьтән алып эшкә яраклы яшькә кадәргеләр контракт  төзи ала. Әлбәттә, еллар узу белән  төрле авырулар барлыкка килергә мөмкин. Нинди авырулар белән яраклы дип таныла, ә кайсылары белән контракт буенча хезмәткә алмыйлар?

"Хәрби хезмәткә яраклы яки яраксыз дип танылу мөмкинлеген регламентлаучы тиешле нигезләмәләр бар. Медицина тикшерүе тәүлектән артык булмаган вакыт эчендә үткәрелә. Җыю пунктында анализга кан һәм сидек тапшыралар, аннары, тикшерүдән соң, авырулар исемлегенә ярашлы рәвештә, без яраклылык дәрәҗәсен билгелибез", – дип сөйләде БР Хәрби комиссариатының хәрби-табиб экспертизасы үзәге начальнигы Арсланбәк Муталипов.

Әгәр авыру кешенең теге яки бу органы функциясен шактый боза икән, ул хезмәт итә алмый. Инфаркт яки йөрәк операциясе кичерүчеләргә, туберкулез белән авыручыларга контракт белән хезмәт итүдә катгый рәвештә баш тартачаклар. Физик халәткә тәэсир итми торган авырулар белән хезмәт итәргә мөмкин. Әмма ахыргы карар табиблар комиссиясендә кала, алар барлык факторларны комплекслы бәяләячәк.

Бу хакта тулырак мәгълүматны сылтама аша укый аласыз.