Күп балалы гаиләләргә кагыла

Башкортстанда күп балалы гаиләләргә балаларны урта һөнәри уку йортларында укыту бәясенең 50% кайтарылачак. «Күп балалы гаиләләргә дәүләт ярдәме турында» гы законга тиешле төзәтмәләргә республика башлыгы Радий Хәбиров кул куйды. Үзгәрешләр Дәүләт Җыелышының соңгы утырышында кабул ителде.

Закон нигезендә, күп балалы гаиләләргә бюджеттан балаларны көллият яки техникумның коммерция бүлегендә укыту бәясенең яртысын кайтарачаклар. Компенсация суммасы мәгариф оешмасы тарафыннан тиешле елга билгеләнгән уку бәясенә бәйле булачак, әмма 30 мең сумнан артмаячак.

Шул ук вакытта 18 яшьтән өлкәнрәк балалар укыган гаиләләр дә ташлама ала ала.

"Компенсация өч балигъ булмаган баласы булган гаиләләргә генә түгел, ә 23 яшькә кадәрге балалары көндезге белем алучы гаиләләргә дә бирелә. Искәрмә булып инде никахта булган, шулай ук тулы дәүләт тәэмин итүендә булган балалар тора», - дип сөйләде Башкортстан Республикасы Дәүләт Җыелышы - Корылтае рәисе Константин Толкачев.

"Әлбәттә, күп балалы гаилә өчен теләсә нинди ярдәм чарасы, бигрәк тә финанс чарасы мөһим. Бигрәк тә бу балалар безнең республикада укысалар. Моннан тыш, бу субсидияләр укырга җыенмаган балаларга белем алу файдасына карар кабул итәргә ярдәм итәчәк. Матди кыенлыклар аркасында балаларны укырга җибәрүдән гаиләләр дә азрак курка. Бу бик актуаль чара", - диде Башкортстанның ата-аналар һәм педагоглар ассоциациясе президенты Ирина Бесчаскина.