Үзләре чыгып котылганнар

Башкортстан буенча Гадәттән тыш хәлләр министрлыгына 13 июнь төнендә Комсомольская урамындагы күп фатирлы йортта янгын чыгуы турында хәбәр килә. Вакыйга урынына тиз арада Уфа гарнизоны янгын-коткару көчләре килеп җитә.

Янгын куркынычы янаган зонадан үзаллы 13 кеше эвакуацияләнгән, алар арасында 10 бала да бар.

4 катта урнашкан өч бүлмәле фатирдагы янгынны аның хакта билгеле булганнан соң 21  минут узуга сүндергәннәр.

“Ачык янгын сүндерелде. Каза күрүчеләр юк. Янгын нәтиҗәсендә балкон һәм 3*7 мәйдандагы бүлмәгә зыян килгән. Янгын сәбәпләре ачыклана. Вакыйга урынында Гадәттән тыш хәлләр министрлыгы дознавателе эшли”, – диләр ведомствода. 

Чыганак: bashinform.ru