Иминлек мөһим

Уфа мэры Ратмир Мәүлиев шәһәрдә гражданнар оборонасы көчләрен булдыру һәм аларны әзерлек хәлендә тоту турында карарны имзалады.

Әлеге карар Уфа территориясендә гражданнар оборонасы көчләрен (ГО) булдыру, саклау һәм куллану нигезләрен билгели. Гражданнар оборонасы  идарәсе төшенчәсе кертелә, ул барлыкка килгән хәлне анализлауны, шәһәр башлыгы карарлар кабул итү өчен исәп-хисаплар һәм тәкъдимнәр әзерләүне, планнарны төгәлләүне һәм бурычларны башкаручыларга вакытында җиткерүне, үзара хезмәттәшлекне оештыруны һәм саклауны, җәлеп ителгән көчләрне һәрьяклап тәэмин итүне һәм башкаруны контрольдә тотуны күз уңында тота.