Ятимлекне киметүгә ирешкәннәр

Башкортстан Республикасы Хөкүмәте утырышында «Халыкны социаль яклау» дәүләт программасын актуальләштерү мәсьәләсен карадылар. БР Хөкүмәте Премьер-министры Андрей Назаров әлеге программаның 3 төп юнәлеш буенча тормышка ашырылуын искәртте: социаль ярдәм, социаль хезмәт күрсәтү һәм гаилә иминсезлеген профилактикалау. Гомумән алганда, 2021 елдан 2026 елга кадәр Башкортстанда дәүләт программасын финанс белән тәэмин итүнең гомуми күләме 193 млрд сумнан артык тәшкил итәчәк.

- Узган ел республикада социаль ятимлек өлешен 61,5% ка кадәр киметергә мөмкин булды. Бу бик яхшы күрсәткеч, чөнки Россия буенча уртача күрсәткеч 72% тан югарырак, – дип белдерде йомгаклау саннарын Башкортстан Хөкүмәте Премьер-министры Андрей Назаров. - Төбәкнең гаилә хезмәтләре белгечләренең даими игътибарында 8,5 мең гаилә тора, гаиләләрнең 90% ка якыны иминсезлек кризисыннан чыга ала. Социаль приютка урнаштырылган балаларның 86% ы әти-әниләренә кайткан. Өч ел эчендә ата – ана каравыннан мәхрүм калган балалар саны 12 процентка, яки 1,5 мең кешегә кимеде, – дип дәвам итте Андрей Назаров, хәзерге вакытта социаль ярдәм чаралары республикада яшәүче 1 миллионнан артык кешене колачлый, шуларның 450 меңе – өлкән яшьтәге гражданнар.

Утырышта «Халыкны социаль яклау» дәүләт программасына кертелгән үзгәрешләр турында тулырак мәгълүматны Гаилә, хезмәт һәм халыкны социаль яклау министры Ленара Иванова җиткерде. Министр сүзләренчә, дәүләт программасын финанс белән тәэмин итү күләмен 1 млрд сумнан артыкка арттыру планлаштырыла. Дәүләт программасын финанслау күләмен арттыру, шул исәптән, махсус хәрби операциядә катнашучыларга һәм катнашучыларның гаиләләренә ярдәм чаралары күрсәтү белән бәйле яңа чаралар хисабына планлаштырыла.

Мәсәлән, сугыш балаларына бер тапкыр бирелә торган түләүләр бирүгә финанслауның үсеше алдагы 3 елда 185 млн сумнан 341 млн сумга кадәр, яки 84,3% ка артачак. Озакка сузылган эш стажы булган хезмәт ветераннарына айлык акчалата түләү бирү кебек ярдәм чарасын финанслау күләме 12% ка артачак, алдагы 3 елда социаль хезмәт күрсәтүнең стационар формасында социаль хезмәт күрсәтүгә дәүләт-шәхси партнерлык турында килешү төзегән юридик затларга һәм шәхси эшмәкәрләргә субсидияләр күләме 42% ка артачак (30 млн сумнан 102,7 млн сумга кадәр сумга кадәр.

Хөкүмәт утырышы кысаларында Премьер-министр Андрей Назаров шулай ук икътисад һәм социаль өлкәгә ярдәм итү белән бәйле берничә федераль яңалыкны яңгыратты. Мәсәлән, 30 мартта Россия Хөкүмәте тарафыннан «Мәшгульлеккә ярдәм итү» федераль проекты кысаларында гражданнарны бушлай укыту программасына өстәмә рәвештә 2,5 млрд сум юнәлтеләчәк дигән карар кабул ителде.

- Программаның федераль операторы булып һөнәри белемне үстерү Институты тора. Аның гамәлләре белән 46 меңгә якын гражданны колачлау планлаштырыла. Гаилә, хезмәт һәм халыкны социаль яклау министрлыгына Программа операторы белән үзара хезмәттәшлекне оештырырга һәм республиканың тулы хокуклы катнашуын тәэмин итәргә кирәк, – дип йөкләде БР Хөкүмәте Премьер-министры Андрей Назаров, шулай ук актуальләштерелгән «Халыкны социаль яклау» дәүләт программасы проектын кабул итүгә тәкъдим итеп.

Чыганак: pravitelstvorb.ru