+21 °С
Болытлы
Җәмгыять
5 апрель 2023, 05:45
Махсус шампунь кулланыла
Ул юлларны сыйфатлырак һәм тизрәк юарга мөмкинлек бирә.
Уфада коммуналь хезмәтләр шәһәр урамнарының йөрү өлешен махсус шампунь ярдәмендә юа башладылар.
Коммуналь хезмәткәрләр шулай ук үзәк мәйданнарда, паркларда һәм тротуарларда, җәмәгать транспорты тукталышларында һәм башка объектларда махсус шампунь кулланалар.
Монда барлыгы 200дән артык берәмлек техника катнаша, шуларның 40ы – су сибү машиналары. Белгечләр әйтүенчә, шампунь инде үзенең нәтиҗәлелеген исбатлаган. Ул кыш дәвамында тупланган юлларның һәм бордюрларның йөрү өлешләрен, шулай ук машина мае һәм бензин тапларын бик яхшы юа.
Шампунь халык, транспорт һәм тирә-як мохит өчен хәвефсез дип билгеләнә.
