Сыйфатлы эш күрсәттеләр

2022 елда Башкортстан Башлыгы Радий Хәбиров һәм аның командасы төбәкнең иҗтимагый-сәяси  тормышында сыйфатлы эш күрсәттеләр. Көнүзәк чаралар һәм халыкара, федераль, төбәк һәм муниципаль дәрәҗәдәге чаралар республика һәм ил халкы арасында үзенең уңай чагылышын тапты.

Һичшиксез,  төбәкнең идарәче командасының системалы сәясәте ярдәмендә  узган ел Башкортстанга  төрле дәрәҗәдәге җиңүләр китерде. Мисал өчен, төбәк Петербург халыкара икътисади форумда әйтелгән федераль инвестицион климат рейтингында югары позицияләр (ТОП-5) алды. Республиканың туристик потенциалы үсеше дә зур әһәмияткә ия.  Төбәкнең халыкара катнашуын да билгеләп үтәргә кирәк (Беларусь һәм Абхазия республикалары белән актив хезмәттәшлек). Авыл хуҗалыгы үсеше һәм экспорт күләме артуы,  спорт һәм мәдәни чаралар үткәрү дә мөһим. Патриотик юнәлештәге чаралар аерым тезисларга лаек. Махсус хәрби операциядә катнашучыларга ярдәм күрсәтү, яңа территорияләрдә яшәүчеләргә гуманитар йөк конвойлары озату (Донецкига бару, Донбасс халкына гуманитар ярдәм җибәрү, мобилизацияләнгәннәр һәм ирекле батальоннардагыларга системалы ярдәм күрсәтү) аеруча  мөһим дип әйтеп үтәргә кирәк. Әлбәттә инде, Уфаның Совет мәйданында  Миңнегали Шәйморатов һәйкәлен ачу төбәкнең мөһим вакыйгаларының берсе булып тора. Һәйкәл төбәк башкаласы картасында яңа туристик объект буларак кына түгел, ул Ватаныбыз өчен башларын салганнарны хөрмәт итү һәм искә алу  да.

Төбәкнең инфраструктура үсешендә дә байтак чаралар тормышка ашырылды. Юбилее уңаеннан Уфаны төзекләндерү аеруча әһәмияткә ия. Яңа мәдәни һәм спорт объектлары төзелә, Кашкадан паркы төзекләндерелде һәм башкалар. Һәм инде, әлбәттә, Башкортстан Башлыгының медиа-киңлектә ачык булуы яшьләр арасында да үз чагылышын таба.