Чиста һәм матур булсын!

Башкортстанда 3 апрельдә санитар айлык башланачак, ул 14 майга кадәр дәвам итәчәк.

Республикада киңкүләм өмәләрнең бердәм көннәре итеп 8 һәм 15 апрель, 13 май игълан ителде. Моннан тыш, «Яшел Башкортстан» экологик акциясен үткәрү планлаштырыла. Анда катнашучылар агачлар һәм куаклар утыртачак. Акцияне уздыруның бердәм көннәре итеп 22 апрель һәм 13 май сайланды.

Билгеле булганча, Башкортстанның һәм Уфаның кайбер районнарында урамнарны җыештыру инде башланган.