Проектка кушылды

Башкортстан проектлар белән идарә итүнең мәгълүмат системасын гамәлгә кертү буенча әйдәп баручы пилот төбәкләрнең берсе булды.

"РосКапСтрой" директоры урынбасары Игорь Кубышкин һәм Башкортстан Хөкүмәте премьер-министры урынбасары Алан Марзаев  төзелеш өлкәсендә дәүләт заказчысын - проектлар белән идарә итүнең мәгълүмат системасын куллану турындагы килешүгә кул куйды. Бу проект кысаларында иң мөһим адым.

Проектлар белән идарә итүнең мәгълүмат системасы - төзелештә катнашучыларның барысы өчен дә объектлар турында мәгълүматны саклау, эшкәртү һәм аналитика өчен бердәм сервис.

Проектлар белән идарә итүнең мәгълүмат системасы капиталь төзелеш объекты документларының 80% ын цифрлы форматка күчерергә, төзелеш проектлары белән идарә итүне автоматлаштырырга һәм подрядчылар белән хезмәттәшлекне җиңеләйтергә мөмкинлек бирә.