Шәйморатов орденнарын тапшырды

Башкортстан башлыгы Радий Хәбиров Илеш районында хәрби махсус операциядә катнашкан Марат Мостафин, Рөстәм Җиһаншин, Илгиз Сәйфуллин һәм Эльвир Якупов гаиләләре белән очрашты. Республика җитәкчесе аларга улларының Шәйморатов орденнарын тапшырды.

Радий Хәбиров һәлак булган хәрби хезмәткәрләрнең әти-әниләренең кайгысын уртаклашты.

- Сез чын ир - атлар, патриотлар, Ватанны саклаучылар тәрбияләдегез, алар үз бурычларын үтәгәндә һәлак булдылар, - диде ул аларга. - Беләсезме, махсус хәрби операция территориясендә безнең өч ирекле батальон, мобилизацияләнгән егетләр һәм контрактчылар сугыша. Безнең төп бурычыбыз-аларга ярдәм итү, даими хәстәрлек күрсәтү һәм аларның гаиләләренә игътибарны җәлеп итү.

Башкортстан башлыгы һәлак булган яугирларның әти-әниләренә республика кардиоүзәгендә дәвалау һәм реабилитация курсын узарга киңәш итте. Аның сүзләренчә, анда махсус дәвалау программалары эшләгән. Сугышчыларның туганнары Радий Хәбировка хәстәрлеге өчен рәхмәт белдерделәр.