Нигә алар бала тапмый?

РФ Дәүләт Думасы Башкортстан парламенты тәкъдим иткән закон проектын эшләп бетерергә кире кайтарган. Дәүләт Җыелышы-Корылтай депутатлары үсмерләр арасында чайлдфри дип аталган ямьсез күренешне – баласызлык идеологиясен пропагандалауны тыю турында тәкъдим иткән иде. Бу закон проектын Русия законнар чыгаручылар советы белән гаилә, хатын-кызлар һәм балалар мәсьәләләре буенча федераль комитет хуплады.

• Дәүләт Думасы “бала табудан үз теләгең белән баш тарту” һәм “баласызлык идеологиясе” төшенчәләрен конкретлаштырырга кушты, – дип аңлатты республика спикеры Константин Толкачев. – Без закон проектын азагына кадәр эшләп җиткерәчәкбез. Чөнки төшенчәләрнең конкрет булуы аны тәҗрибәдә кулланганда җиңеллек бирәчәк.

Әгәр безнең республика тәкъдим иткән закон проекты кабул ителсә, үсмерләр арасында бала тапмауны пропагандалау тыелачак.

Константин Борисович әйтүенчә, бу ят күренеш безгә Көнбатыштан килеп керде һәм Русия яшьләре арасында яшен тизлегендә таралды.

• Бу безнең илнең сәясәтенә каршы килә. Безнең сәясәт – гаилә кыйммәтләрен саклау, аналарны һәм балаларны яклау, – ди Корылтай җитәкчесе.

Чайлдфрины пропагандалаган өчен 2 мең сумнан 50 мең сумга кадәр штраф каралган.

Чыганак: ufa.kp.ru