+28 °С
Болытлы
Җәмгыять
3 ноябрь 2022, 16:14
Герой балаларны тәбрикләделәр
Халыклар дуслыгы көнен бәйрәм итәр алдыннан “Герой балалар” бөтенрусия граждан-патриотик проекты кысаларында Федерация Советында гадәттән тыш хәлләр вакытында батырлык күрсәтеп, кешеләрнең гомерен саклап кала алган герой балаларны һәм үсмерләрне бүләкләү тантанасы булды.
Герой балаларны тәбрикләделәр
Быел Русиянең 54 төбәгеннән килгән балаларга Федерация Советының “Күрсәткән батырлыклары өчен” махсус медальләре тапшырылды.
Бүләкләнүчеләр арасында Башкортстан Республикасыннан Арслан Шафиковның булуы сөендерде.
Бүләкләү тантанасында Федерация Советы рәисе Валентина Матвиенко, РФ Гадәттән тыш хәлләр министрының беренче урынбасары Александр Чуприянов, РФ Герое Владимир Легошин һәм Башкортстан Республикасыннан сенатор Лилия Гомәрова катнашты.
Валентина Матвиенко яшь геройларга мөрәҗәгать итеп:
- Сезнең күрсәткән батырлыгыгыз олы ихтирамга лаек, - диде. – Чөнки сез ул батырлыкны ясаган вакытта күренекле, билгеле булыр өчен ясамагансыз. Сез йөрәгегез кушкан буенча ул адымга баргансыз...
Ул балаларның әти-әниләренә, картәни-картәтиләренә рәхмәт әйтте.
