Музей турында сөйләштеләр

18 октябрьдә Радий Хәбиров Евразия күчмә цивилизацияләр музеен төзү буенча  эшче төркем утырышын үткәрде. Аны Чишмә районында Тура-хан мавзолее белән янәшәдә урнаштырырга ниятлиләр.  

Фикер алышуда министрлыклар һәм ведомстволар,  археология һәм туризм өлкәсенәге белгечләр, шулай ук проект оешмалары, бизнес вәкилләре катнашты.

Булачак музейның архитектура  концепциясен “Архтамга” эксперт-проект бюросының генераль директоры Рөстәм Әлибаев тәкъдим итте. Моннан алда ул Бөрҗән районында төзелгән  “Шүлгән-Таш” музей комплексының  тарихи-мәдәни проекты өчен Салават Юлаев премиясенә лаек булган иде. Бюро җитәкчесе күчмә цивилизацияләр музей комплексының биналары җирлек ландшафтына  килешле булачак һәм Тура-хан мавзолеенең әһәмиятен ассызыклап торачак дип белдерде. Моның өчен белгечләр территорияне анализлаган һәм музейның төп объектлары күренешләре өстендә эш башлаган.

Чыганак: glavarb.ru