"Инвестор тәрәзәсе"н ачтылар

Статс-секретарь, Русия икътисади үсеш министры урынбасары Алексей Херсонцев Уфада узган «Минем документлар» VI Бөтенрусия дәүләт хезмәтләре форумы кысаларында Башкортстан Республикасы МФЦ үзәк офисында булды һәм комплекслы хезмәтләр күрсәтү буенча юридик берәмлекләр өчен махсуслаштырылган тәрәзә - «Инвестор тәрәзәсе» проектын эшләтеп җибәрүдә катнашты. Монда потенциаль инвесторлар өчен өстенлекле тәртиптә юридик берәмлекне теркәү, җир кишәрлеген арендага алу һәм урнаштыру схемасын раслау, капиталь төзелеш объектына газ үткәрү һәм башка хезмәтләр челтәренә тоташтыру турында килешү төзү өчен заявка бирү хезмәтләре күрсәтеләчәк. МФЦ офисында Алексей Херсонцев ресепшн зонасында экспресс-документлар бирү проекты белән танышты. Шулай ук министр урынбасарына әзер документларны бирү өчен тәүлегенә 24 сәгать, атнасына 7 көн эшләүче постамат тәкъдим ителде. Фото: Башинформ