Радий Хәбиров күргәзмәләргә бөтен студентлар белән мәктәп укучыларын чакырды

Уфаның 450 еллыгына проектлар, транспорт компанияләре күргәзмәләре оештырылган. 20-23 сентябрьдә, 9.00 сәгатьтән 19.30 сәгатькә кадәр барлык теләүчеләр өчен дә керү ачык. «Конгресс» паркына (Рубежная ур., 178) 226, 232, 277 номерлы автобуслар йөри («Конгресс»тукталышы). Бу хакта Башкортстанның Республикасы Хөкүмәте киңәшмәсендә беренче вице-премьер — икътисади үсеш министры Рөстәм Моратов хэбэр итте. Башкортстан башлыгы Радий Хабиров мәгариф министрлыгына яшьләр өчен сәфәрләр оештырырга кушты: "колледж студентлары килсеннәр, алар барсын да уз күзләре белэн курсен. Рөстәм Моратов сөйләгәнчә, конгрессның беренче чарасы йөк машиналары йөртүчеләрнең ярышлары булды, ә бүген «СтройЮность» I республика конкурсы старт ала — Төзелеш һәм транспорт компетенцияләре буенча ярышларда 200 көллият укучысы катнаша. 20 сентябрьдә эшлекле программа башланачак һәм күргәзмәләр ачылачак. Транспорт белән экспозицияләр 1 мең кв. метрдан артык павильоннарда, төзелеш күргәзмәләрендә-3 мең кв.м, урам Транспорт һәм ретро-парк күргәзмәсендә 18 мең кв. метрдан артык, дип хәбәр итте вице — премьер. Заманча асфальт заводы буенча инвестпроект аерым тәкъдим ителәчәк. «5 мең кунак, 700ләп катнашучы һәм спикер көтелә. Конгресс партнеры-Беларусь Республикасы, иртәгә 40 кешелек делегация килүен көтәбез, шулай ук Үзбәкстан, Казахстан, Төркия делегацияләре, Росавтодор җитәкчелеге, транспорт министрлыгы, иҗтимагый һөнәри берләшмәләр вәкилләре булачак. Кунаклар өчен программа — Белорус һәм башкорт артистлары катнашындагы концертлар, яшьләр бәйрәмнәре, гастрофестваль әзерләнде», — дип сөйләде Рөстәм Моратов. «Бу чыннан да бик мөһим һәм җаваплы очрашулар булачак. Конгресс барышында шулай ук республикада „АМКОДОР“ производствосы эшләтеп җибәреләчәк, „МАЗ“ дилер үзәген ачачакбыз — монда зур перспективалар бар, Без бергә эшли алабыз», — дип билгеләп үтте Башкортстан Башлыгы.