Әниләрне бүләк көтә

Башкортстанда биш һәм аннан да күбрәк бала табып тәрбияләүче 26 әни “Ана даны” медале белән бүләкләнәчәк. Медаль алучы әниләр - Аскын, Баймак, Балтач, Краснокама, Куергазы, Миякә, Нуриман, Стәрлебаш, Учалы, Хәйбулла районнары, Сибай һәм Уфа шәһәрләреннән. Медаль 1998 елда тапшырыла башлады һәм бу вакыт эчендә сигез меңнән артык ана бүләкләнгән.

Исегезгә төшерәбез: “Ана даны” медале белән бүләкләнгән күп балалы аналар бер тапкыр 50 мең сум күләмендә акча алачак. Элегрәк әлеге дәрәҗәле исемгә лаек булган хатын-кызлар өчен бер тапкыр бирелә торган түләүнең күләме 17 241 сум иде. Күрүегезчә, сизелерлек арттырганнар икән.

Фото: ptoday.ru