Уфага яңа автобуслар кайтты

29 августта Уфада Башкортстан Башлыгы Радий Хәбиров «Башавтотранс» филиаллары җитәкчеләренә 37 «НЕФАЗ» автобусыннан ачкычлар тапшырды. – Бүген безнең өчен шатлыклы көн. Яңа автобуслар Уфа юлларына чыгачак, - диде Радий Хәбиров. - «Башавтотранс» коллективына халыкка яхшы хезмәт күрсәткәне өчен рәхмәт белдерәм. Без сезнең белән бергә транспорт тармагын яхшырак һәм уңайлырак итәбез. Бу гади генә эш түгел, аның өчен халык сезгә рәхмәтле. 105 кеше сыйдырышлы автобуслар экологик газ-мотор ягулыгында эшли. Алар Уфа маршрутларына аеруча интенсив пассажирлар агымы белән чыгачак һәм Затон, Дим, Сипайлово, Инорс микрорайоннарында яшәүчеләргә хезмәт күрсәтәчәк. Көзен предприятие тагын 33 яңа машина алырга ниятли. Радий Хәбиров мәгълүмати таблолар, ГЛОНАСС навигацион спутник системасы, кондиционер, видеокүзәтү системасы белән җиһазландырылган автобусларны карады. "Нефаз" да шулай ук аппарельләр һәм инвалид коляскалар өчен махсус урыннар да урнаштырылган. Төбәк җитәкчесе «Башавтотранс» йөртүчеләренә намуслы һәм мактауга лаек хезмәтләре, эштәге уңышлары, югары һөнәри осталыклары өчен Башкортстан башлыгының Рәхмәт хатларын һәм истәлекле бүләкләр тапшырды. - Бу эштә без автопаркны яңарту эшен туктатмыйбыз. Республика Россия Транспорт министрлыгында сайлап алу узды һәм федераль бюджеттан «Хэвефсез һәм сыйфатлы юллар» илкүләм проекты кысаларында автобуслар сатып алуга субсидия алачак. Әлеге партиядән 35 автобусны без 2023 елның беренче кварталында көтәбез, - дип хәбәр итте Радий Хәбиров социаль челтәрләрдә үз постында.  - Безнең максат - транспорт системасын илдә иң яхшыларның берсе итү, һәм без аңа эзлекле рәвештә барабыз. Исегезгә төшерәбез, 2019-2021 елларда «Башавтотранс» паркын зур, урта һәм кече класслы 943 автобус тулыландырды. Тагын 150 машина шәхси йөртүчеләр сатып алган.