Уфага Калмыкия Башлыгы Бату Хасиков килде

Кичә Уфага эш визиты белән Калмыкия башлыгы Бату Хасиков килде. Уфа аэропортында аны Башкортстан башлыгы Радий Хәбиров каршы алды.

Визит кысаларында Бату  Хасиков Баймак районында үтәчәк “Башҡорт аты” фестивале чараларында катнашачак.

Башкортстан башлыгы Радий Хәбиров һәм Калмыкия башлыгы Бату Хасиков  очрашу вакытында  сәүдә-икътисадый, фәнни-техник һәм социаль-мәдәни хезмәттәшлек турында хөкүмәтара килешүгә кул куячаклар.