Иң яхшы кымызны кайда җитештерәләр?

Башкортстанда иң яхшы кымызны кайда ясаулары билгеле булды. 16 нчы республика  кымыз җитештерүчеләр конкурсында  Учалы  районының «Юлдаш» җаваплылыгы чикләнгән җәмгыятенең   кымызы  иң яхшысы дип табылды. Икенче урында  - Әлшәй районыннан Айрат Ганиевның  фермер хуҗалыгы. Өченче урында - Баймак районыннан Илнур Биктимиров  крестьян-фермер хуҗалыгы.  Конкурста иң тәҗрибәле катнашучы дип Зилаер фермеры Марат Абдулов  билгеләнде.

Кымыз җитештерүчеләр конкурсы Баймак районында «Башҡорт аты» республика фестивале кысаларында  үтте.