Яхшы юлларсыз туризмны үстереп булмаячак

Башкортстанда Благовещенск-Павловка трассасын яңарту эшләре 50% тан артык тәмамланды.  Ике километрлы участок “Хәвефсез һәм югары сыйфатлы автомобиль юллары” милли проекты кысаларында ремонтлана. Финанслау күләме - 37,2 миллион сум.

Популяр туристик маршрут Благовешен һәм Нуриман районнарын тоташтыра. Хәзер белгечләр асфальт-бетонның икенче катын салуны тәмамлыйлар, аннары алар юл кырларын ныгытачаклар, пандусларны тергезәчәкләр, горизонталь билгеләр куячаклар.

“Туристик урыннарга алып барган юлларны ремонтлау һәм төзү - төбәк үсеше ягыннан өстенлекле юнәлешләрнең берсе. Узган ел аларның кайберләрен нормага китерә башладык һәм туктарга уйламыйбыз, киләсе елда да без бу юнәлештә эшләүне дәвам итәчәкбез. Безнең өчен Башкортстанда яшәүчеләрнең һәм кунакларның яраткан урыннарына уңайлы һәм хәвефсез рәвештә барып җитүе мөһим ", ди Транспорт һәм юллар министры Александр Булушев.

Чыганак: Башинформ

Фото: Транспорт һәм юллар министрлыгы