Алар да ярдәмгә мохтаҗ

Башкортстан эшкуарлары аларның хокукларын һәм законлы мәнфәгатьләрен яклау мәсьәләләре буенча бушлай консультацияләр ала алалар.

Кече һәм урта бизнес вәкилләре дәүләт хакимияте органнары, җирле үзидарә органнары ягыннан хокук һәм законлы мәнфәгатьләрне бозу мәсьәләләре буенча консультацияләр ала алалар. Эшкуарлар өчен шулай ук экологик контроль һәм аудит, салым салу, икътисадый һәм арбитраж бәхәсләр, юридик мәсьәләләр буенча консультацияләр оештырылачак.

Бушлай консультацияләр Башкортстанда теркелген һәм кече һем урта эшкуарлык субъектлары реестрына кертелген барлык эшкуарларга да бирелә. Аларны югарыда күрсәтелгән юнәлешләр буенча белгечләр, pro bono экспертлары, юристлар һәм адвокатлар үткәрәчәк.