Состав яңарды

Зөлфия Гайсина Башкортстан Башлыгы карамагындагы Кеше хокуклары һәм гражданнар җәмгыяте институтлары үсеше  советы рәисе итеп билгеләнде.

Бу хактагы указга республика Башлыгы Радий Хәбиров кул куйды. Совет рәисенең урынбасары итеп – Флүр Нурлыгаянов, җаваплы сәркатип итеп Владимир Савичев билгеләнде.

Моннан тыш, Совет составының әгъзалары да яңарды:  журналистлар, галимнәр, экологлар, активистлар, зоояклаучылар, иҗади интеллигенция, бизнес вәкилләре, сәламәтлек саклау өлкәсе, профсоюз хәрәкәте, руханилар керде.

Алар арасында – “Российская газета”ның Уфадагы филиалы директоры Альфред Әгълетдинов, хокук яклаучы Азамат Галин, альпинист һәм җәмәгать эшлеклесе Рөстәм Нәбиев, билгеле режиссёр Айнур Аскаров һәм башкалар. 

Чыганак: bashinform.ru