Башкортстанда 4 253 хезмәткәргә 462 млн. сумнан артык хезмәт хакы түләнмәгән.
Бүгенге көндә алты оешма: "Спецмонтажтехнология" (Уфаның Киров районы), - 38 хезмәткәренә 6,7 млн сум бурычы бар, Чишмә районының «Өйдрәк» аграр фирмасы - 31 хезмәткәр алдында 1,3 млн сум бурычы бар, "Белорет майсыркомбинаты", "Капитал-сервис", "Яңа йорт" торак-төзелеш кооперативы (Благовещение районы) һәм Караидел районының "Магинск" сәүдә-җитештерү оешмалары хезмәт хаклары түли алмый. Әлеге алты предприятиенең бишесе банкрот дип танылган. Аларны саткач, хезмәткәрләргә бурычлары түләнәчәк.