«Атайсал»ның ярдәме зур булды

Бүген Уфада үткән «Яҡташлыҡ көче» форумында бөтен илдән 1000нән артык якташыбыз җыелды. Бу форум - туган шәһәрләр һәм авыллар үсешенә ресурслар, вакыт, көч салган барлык кешеләргә рәхмәт җиткерү. 2021 елдан башлап «Атайсал-Кече Ватан» онлайн — проекты ярдәмендә үз өлешеңне кертергә була, аны Башкортстан башлыгы Радий Хәбиров башлап җибәрде. Проект 2700 дән артык катнашучыны берләштерде, алар Кече Ватан үсешенә 570 млн сум акча керттеләр. «Атайсал» ярдәме белән республикада йөзләгән балалар һәм спорт мәйданчыклары урнаштырылды, 200 чишмә төзекләндерелде, мәчетләр, чиркәүләр һәм башка объектлар төзелде.

Форум эшендә Русия икътисадчысы, тотрыклы үсеш мәсьәләләре буенча альянсның генераль директоры Андрей Шаронов катнаша. Ул «Рожденные вдохновлять» панель секциясендә чыгыш ясады. «Гомернең яртысын диярлек Уфада үтте, ул минем туган җирем. Мин Русия буйлап күп йөрдем, мин булмаган шәһәрләр аз, аларны мин дә үз Ватанымның бер өлеше буларак кабул итәм. Илдә күңелгә яткан урыннарның күп, әмма мин Уфада туып- үстем, ә тормышта иң онытылмас мизгелләр балачакта була, иң кызыклы хатирәләр саклана», — дип билгеләп үтте Андрей Шаронов.