Ничек тавыш бирсәк дөрес була?

  Башкортстан башлыгы Радий Хәбиров гражданнар җыены кагыйдәләрен билгели торган яңа законга кул куйды.

  Документка ярашлы рәвештә,  хәзер  гражданнар җыены, торак пунктында яшәгән,  сайлау хокукына ия булучы кешеләрнең яртысыннан күбрәге  катнашса  гына  хокукый яктан дөрес  була.

   Әгәр, әйтик, җыенга авыл халкының яртысы җыелмаган икән,  аны  этаплап, әмма бер ай эчендә үткәрергә мөмкин.

   Халык җыенының  карары, әгәр аны халыкның яртысыннан  күбрәге  хупласа, кабул ителгән дип саналачак. Шул ук вакытта бер тапкыр гына тавыш бирергә мөмкин.