Хәтер көнендә зиратларга бару өчен өстәмә автобуслар җибәрәчәкләр

Башкортстанда хәтер  һәм әти-әниләр  көнендә – бу 30  апрель һәм 3 май көннәре була – гражданнарга  мәрхүм туганнарын, якыннарын искә алу, зиратларга бару өчен җәмәгать   транспортының өстәмә маршрутларын  җибәрәчәкләр.

30 апрельдә, мәсәлән,  Уфада Көньяк зиратка тиклем  30нчы санлы маршрут ( “Пушкин” күңел ачу комплексы – СТО” маршруты)  буенча йөрүче 13 автобус хезмәтләндерәчәк. Автобуслар  8-9 минутлык интервал белән йөриячәк. 

 “Башкортстан” сәүдә комплексы – СТО” маршруты буенча  хезмәт күрсәтүче тагын шулкадәр үк 30нчы санлы автобуслар да җитәрлек булачак.

Төньяк зиратка кадәр исә  "УМПО мәдәният йорты - Тимашево"  15нчы санлы маршрутында барып җитәргә мөмкин булачак.  15 минут  интервалы белән 4 автобус эшләячәк.