Сантехникага бәяләр күтәрелергә мөмкин

Cersanit сантехника җитештерү компаниясе генераль директоры Юрий Ковтун кайбер сантехникага бәяләрнең тагын артачагын хәбәр итте.

Аның сүзләре буенча, керамик плиткалар һәм берничә башка продуктка чимал белән тәэмин ителешнең өзелүе һәм җитештерүнең кимүе аркасында хаклар 25-30% ка артырга мөмкин.

Белгеч әйтүенчә, хәзерге вакытта ак балчык һәм җитештерү өчен кирәк булган материаллар сатып алуда кыенлыклар килеп туган.Шул ук вакытта тәэмин итү проблемалары аркасында Азиядән бу әйберләрне сатып алу тагын да кыйммәтрәккә төшәчәк, кайбер җитештерүчеләр җитештерүне уртача 30% киметергә мәҗбүр булачак.

“Җитештерү күләмен киметү белән беррәттән, җитештерелгән продуктларга бәяләр дә артачак. Беренче квартал нәтиҗәләре буенча керамик плиткалар һәм санитар савытлар 2021 елдагы уртача еллык күрсәткечләр белән чагыштырганда 35-40% ка күтәрелде дә инде. Киләсе өч айда бәяләр тагын 25-30% ка күтәрелергә мөмкин", - дип нәтиҗә ясады ул.

Чыганак: mk.ru

Фото: mk.ru