Май башында рәттән 10 көн ял булырмы?

Дәүләт Думасы Вице-спикеры, “Яңа кешеләр” фракциясе депутаты Владислав Даванков май бәйрәмнәрен 1 майдан 10 майга кадәр озайтырга тәкьдим итте. Аның сүзләре буенча, бу кешеләргә көзгә ризык әзерләргә һәм бер-берсе белән күбрәк аралашырга ярдәм итәчәк.

“Яз килде, тиздән язгы кыр һәм бакча эшләре башлана. Русиядә орлыклар белән проблемалар бар,  көзге айларда азык-төлек хәвефсезлеген тәэмин итү өчен үзебездә булган барлык орлыкны чәчеп,эшләрне тәмамлап өлгерергә кирәк. Азык – төлеккә бәяләр ничек күтәрелүен күрәбез. Кешеләр ничек яшәргә тиеш? Киң билгеле "борщ җыелмасы" 40% ка кадәр артты. Шуңа күрә, май бәйрәмнәрен көзгә ризык әзерләүгә багышласак, яхшы булыр иде ", - ди депутат.

Өстәмә ял көннәрендә кешеләр көзгә ризык туплап кына калмыйча, якыннары белән күбрәк вакыт үткәрәчәген дә өстәде.

2022 елгы ял һәм бәйрәм көннәре календаре буенча, 1 майдан 3 майга кадәр һәм 7 майдан 10 майга кадәр ял көннәре игълан ителде. "Яңа кешеләр"  ​​айның 4, 5 һәм 6 сы көннәрен дә ял итәргә тәкъдим итәләр.

Чыганак:m24.ru

Фото:m24.ru