"Иске Уфа"да яңа йортлар төзеләчәк

Уфа мэриясе «Жилстройинвест» оешмасына Сочи һәм Пугачев урамнары белән чикләнгән 24,7 га җиргә йортлар төзеп, Кавказ урамын дәвам итәргә рөхсәт иткән.

Уфа хакимияте башлыгы Ратмир Мәүлиев имзалаган тиешле карар шәһәрнең рәсми сайтында басылып чыккан.

Төзелеш өчен күздә тотылган җир шәһәренең тарихи өлешендә урнашкан, шәхси секторда торак йортлар һәм берничә административ бина да бар.