Ишембай умартачылары өчен семинар үткәрделәр

Ишембай районы умартачылары өчен бал җитештерү буенча үз бизнесларын үстерүгә 350 меңнән алып 8 миллион сумга кадәр дәүләт субсидияләрен алу мөмкинлекләре турында семинар үткәрделәр. Җирле умартачыларның Франция эшкуары Патрик Хоффман тарафыннан гамәлгә ашырыла торган инвестицион проектка карата сораулары тугач, урындагы умартачыларга мондый чараны уздыру турында вице-премьер А.Бәдранов вәгъдә биргән иде.

Чараның төп спикерлары – БР  Авыл хуҗалыгы консультацияләре үзәге директоры урынбасары Әлфия Гәрәйшина һәм умартачылык һәм апитерапия буенча  фәнни тикшеренү үзәге киңәшчесе Рөстәм Резбаев.

Дәүләт ярдәме чаралары турында Әлфия Гәрәйшина сөйләде. Аның әйтүенчә, республиканың авыл хуҗалыгы товарлары җитештерүчеләр өчен нәтиҗәле программалар бар. Мәсәлән,  “Агростартап", “Гаилә фермасы” программасы аграрийларның үз җирендә ике елдан да ким эшләгән һәм якыннарын уртак хезмәткә җәлеп итә ала торган очраклар өчен. Өченче ярдәм чарасы – тиешле  документларны һәм отчетларны  биргәндә чимал һәм җиһазлар сатып алуга квартал саен субсидия ала торган кооперативлар.

 - Макаровка авылында яшәүчеләр француз инвесторларының килүе җирле умарталарга бәйле хәлне начарайта, дип саный. Әмма республика хакимияте бу мәсьәлә хәл ителсен өчен күп эшләр башкара – барысын да канәгатьләндерерлек компромисс эзли торган эшче төркем булдырылган. Без, үз чиратыбызда, башкорт умарта кортлары гына үрчетелә торган территорияләрне булдыруны тулысынча үз өстебезгә ала алабыз. Башкортстан территориясендә Иглин һәм Яңавыл районнарында мондый зоналар бар инде, - диде Резбаев.