Волонтерлык үзәгенең эшчәнлеге активлашты

Башкортстанда коронавирус инфекциясенең бишенче дулкыны белән бәйле рәвештә "Бердәм Русия" партиясенең "Безнең  хәстәрлек" волонтерлык үзәге эше активлашты – республика волонтерлары халыкка төрле яклап ярдәм күрсәтә.

“Безнең  хәстәрлек" колл-үзәкләрендә дә көчәйтелгән режимда эшлиләр. Республика халкы нигездә дарулар һәм продуктлар китерү мәсьәләләре белән мөрәҗәгать итә, өлкән яшьтәге кешеләр поликлиникага алып барырга, ишегалды һәм түбәләрдән кар алырга ярдәм итүләрен сорый. Волонтерларга медицина оешмалары хезмәткәрләре дә мөрәҗәгать итә.

Краснокама районының “Безнең  хәстәрлек”  штабы волонтерлары табибларга ярдәм күрсәтүне дәвам итә. Волонтерлар дәваханәләрдә термометрия үткәрәләр, керү фильтрын исәпкә алып баралар.

"Термометрия югары температуралы кешеләрне ачыкларга, потенциаль авыруларны башка керү юлы аша җибәрергә һәм аларның сәламәт кешеләр белән очрашуын булдырмый калырга ярдәм итә", - ди волонтер Регина Баянова.

Бүгенге көндә “Безнең хәстәрлек”нең 63 волонтерлык штабында гражданнардан шалтыратулар кабул ителә. Пандемия башланганнан бирле колл-үзәкләр тарафыннан 116 меңнән артык мөрәҗәгать кабул ителгән. “Безнең  хәстәрлек”  волонтерлык үзәге эшендә барлык эш вакытында 8 меңнән артык волонтер катнашты, шул исәптән 2 меңгә якын автоволонтер, шуларның 3,5 меңнән артыгы актив катнаша. Хәзерге вакытта волонтерлык эшчәнлегендә 4 мең 200 волонтер эшли, шул исәптән 980 автоволонтер.

Фото: "Бердәм Русия"