Волонтерлар - ярышларның йөзе

2 декабрьдән 5 декабрьгә кадәр Мәскәүнең «Манеж» спорт комплексында уза торган МЫВМЕСТЕ халыкара форумында FIVB 2022 ир-ат командалары арасында волейбол буенча дөнья чемпионатының волонтерлык программасы тәкъдим ителде.

Бүгенге көндә зур спорт чараларының берсе дә волонтерлар ярдәменнән башка узмый. Волонтерлар бик күп оештыру мәсьәләләрен хәл итәргә, чарада онытылмаслык мизгелләр калдырырга һәм кунакларны кабул итүче якның имиджын булдырырга, шулай ук катнашучылар өчен кирәкле кәеф һәм кунаклар һәм аның тамашачылары өчен бәйрәм хисе тудырырга ярдәм итә.

"Волонтерлар - чемпионатның һәм ярышларның йөзе. волонтерлар-беренчн булып җанатарларны, спортчыларны, журналистларны каршы ала. Кабул итүче ил һәм турнир турында иң беренче тәэссоратлар волонтерның ничек каршы алуыннан, елмаюыннан, ничек ярдәм итүеннән тора», - дип билгеләп үтте «Волейбол 2022 оештыру комитеты» коммерцияле булмаган автоном оешмасы генераль директоры Роман Станиславов.

Саннар

30 меңнән артык кандидатның теркәлүе көтелә, алардан 3 500 волонтер сайлап алыначак. Алар барысы да аккредитация һәм ярышларны оештырудан телерадиотапшырулар һәм транспортка кадәр 18 функциональ юнәлеш буенча җәлеп ителәчәк. Программада теркәлгәндә волонтерлар үзләрен кызыксындырган юнәлешләрне алдан сайлап ала алачаклар.

Төбәкләр

Турнир 2022 елның 26 августыннан 11 сентябренә кадәр Мәскәү, Санкт-Петербург, Калининград, Ярославль, Казан, Уфа, Екатеринбург, Новосибирск, Кемерово һәм Красноярск шәһәрләрендә узачак.