Әниләр зарланды

Башкортстанда  яшәүче  әниләр, балаларына  алимент алу мөмкинлеге булмау сәбәпле, төбәк башлыгына мөрәҗәгать иткән. Зарланучы әниләрнең сүзләренә караганда, бурычлар миллион сумнарга якынлаша, ә суд приставлары берни дә эшли алмый — әтиләр  нибары берничә йөз сум гына  җибәрә икән.

    "Зинһар өчен, киңәш итегез, кая мөрәҗәгать итәргә? Ирнең алиментлар буенча бурычы 1,2 млн. сумнан артык. Аена  300-400 сум җибәрә.  Ә калганы ничек? Приставлар берни дә эшли алмый. Инде балага 18 яшь тула”, - дип мөрәҗәгать иткән Елена Минһаҗева.

    “Ирнең алиментлар буенча бурычы 977 000 сум. Кая мөрәҗәгать итәргә дә  белмим. Кайда гына язып карамадым, бернинди чаралар күрелми", - ди Альбина Әбсадыкова.

     Әниләрнең бу мөрәҗәгатьләре – алиментлар  мәсьәләсе буенча беренче генә мөрәҗәгать түгел. Проблема актуаль, бурычлар арта бара, чөнки аларны  түләтү буенча ышанычлы механизм юк.