Ремонт эшләрен йорт буенча “старший” кабул итә

Бүген Башкортстан Премьер-министр Андрей Назаров үткәргән  БР хөкүмәте  утырышында күпфатирлы йортларда  капиталь ремонтлауны субсидияләү мәсьәләсе расланды.

- 2014 елдан бирле, Башкортстанда күп фатирлы йортларда гомуми милекне капиталь ремонтлау буенча төбәк системасы булдырылганда республика бюджетыннан капремонтны финанслауга 4,5 млрд. сум бүлеп бирелде, - дип билгеләп үтте Андрей Назаров. – Хәзер дәүләт ярдәме шартларына төзәтмәләр кертү зарурлыгы туды.

БР торак-коммуналь хуҗалыгы министры вазифаларын башкаручы Алан Марзаев билгеләп үтүенчә, 2014-2052 елларга  капиталь ремонтлау буенча республика программасы 17 меңнән артык күпфатирлы йортны ремонтлауга исәпләнгән. Бүгенге көндә 7 396 күп фатирлы йортта капиталь ремонт үткәрелгән. 1,28 млн. нан артык кеше торак шартларын яхшырткан.

- Программа бик мөһим һәм кирәкле, әмма халык күп фатирлы йортларда капиталь ремонтның сыйфаты белән һәрвакытта да  канәгать түгел, – дип билгеләп үтте Андрей Назаров. - Кешеләр  канәгать булсын өчен, ТКХ министрлыгы үз эшләрен яхшырту өчен нинди чаралар күрә?

БР торак-коммуналь хуҗалык министры вазифаларын башкаручы Алан Марзаев, 2019-2020 елларда кайбер объектларда капиталь ремонт үткәргәндә эшләрнең сыйфаты буенча кисәтүләр булуын, әмма быел  аларның бетерелүен әйтте.

– Хәзер йорт буенча “старший” эшләрне кабул итү турындагы актка кул куймый торып  подрядчикка башкарылган ремонт өчен акча түләнми,– дип аңлатты Алан Марзаев.