Якташыбыз җиңүчеләр исемлегендә

 "Минем ил - минем Русия" конкурсының “Минем ил. Минем тарих. Минем җиһан” номинациясендә Башкортстан вәкиле Тимербулат Ахмадуллин җиңү яулады. Яшьләр форумы “Минем горурлыгым. Минем ил. "Минем кече Ватаным" Бөтенрусия конкурсында катнашучылар өчен "Русия - мөмкинлекләр иле" президент платформасы проектларының берсе булып тора. Онлайн һәм оффлайн форматта узган бәйге нәтиҗәләре буенча 23 җиңүче билгеләнде. Алар арасында Башкортстан вәкиле Тимербулат Ахмадуллин да бар. Уфа дәүләт авиация техник университеты студенты Тимербулат Ахмадуллин - төбәктә яшәүчеләрне герой шәһәрләр тарихы белән таныштыручы квест үткәрү идеясе авторы. Проект кысаларында Башкортстан яшьләре өчен ким дигәндә 50 чара үткәрү планлаштырыла.

“Квест станцияләр уены рәвешендә тормышка ашырыла, аларның һәрберсе герой шәһәрләренең берсенә багышланган. Һәр этапта катнашучылар шәһәрнең иң югары бүләккә лаек булган вакыйгалар турында тарихи мәгълүмат белән танышачаклар. Без бу чараның  Русиянең һәр төбәге өчен актуаль булуына ышанабыз, шуңа күрә безнең идеяны бөтен илгә “Русия - мөмкинлекләр иле” платформасы конкурсы мәйданында уртаклашу аеруча күңелле булды”, ди Тимербулат Ахмадуллин.

“Минем горурлыгым. Минем ил. Минем кече Ватаным" яшьләр форумы 29 сентябрьдән 1 октябрьгә кадәр дәвам итте. Ул Юрий Гагаринның очышына 60 ел тулуга арналды.