Ирекле ярдәмчеләргә эш арта

Хөкүмәт волонтерлар катнаша ала торган тармаклар исемлеген киңәйтте. Әлеге карар Министрлар Кабинеты сайтында дөнья күрде. Аерым алганда, документ федераль һәм муниципаль хакимиятнең волонтерлык оешмалары белән үзара бәйләнеш тәртибен билгеләде. Исемлек ике пункт белән тулыландырылды: хәзер волонтерларга ятимнәр йортларына һәм ата-аналар карамагыннан калган балаларга ярдәм итүче оешмаларга булышырга, халыкны һәм территорияләрне гадәттән тыш хәлләрдән сакларга, янгын һәм су объектларында кешеләрнең хәвефсезлеген тәэмин итәргә булыша ала.