Кошка сунар рөхсәт ителә

Республика буенча 25 апрельдән 4 майга кадәр, аучыларга кош ауларга рөхсәт ителә, ләкин хәзерге чикләүләр һәм эпидемиологик таләпләрне үтәргә кирәк, дип белдерде Экология министрлыгы.

17 апрельдәге төбәк башлыгы Указы нигезендә сәяхәт мөмкинлеге атнага ике тапкыр бирелә. Бер юнәлештә сәяхәт вакыты 90 минуттан артмаска тиеш. Автомобиль сәяхәтләре өчен аучылар https://doroga02.ru/ электрон сервисында алдан теркәлергә тиеш. Кош аулау өчен рөхсәт алырга теләгән аучылар Дәүләт хезмәтенең региональ порталы аша мөрәҗәгать итә һәм анда 30% ташлама белән дәүләт түләүләрен түли алалар. Мондый гаризалар, беренче чиратта каралачак. Ауга рөхсәт кәгазе алыр өчен 8-347-2180436 һәм 8-347-2180443 телефоны аша алдан шалтыратып хәбәр итү дә җитә. Рөхсәт кәгазе аучы билеты булган кешеләргә генә бирелә. Рөхсәт алу өчен Экология министрлыгына мөрәҗәгать иткәндә, бинада 1,5-2 метр ераклыктагы социаль дистанция сакланырга тиеш, маска һәм перчаткаларда булу төп таләп. Рөхсәт алу өчен офиска кереп имзагызны кую өчен үз авторучкагыз булырга тиеш. Авыру билгеләре булган аучыларга бинага керергә рөхсәт ителмәячәк.